San Juan gaua, laugarrenez

Laugarren urtez jarraian, Arpelak San Juan Gaua antolatu du aurten ere, Ekainaren 23an, larunbata, gustu eta adin guztietako publikoarentzako moduko egitaraua antolatu dugu, Udalaren Euskara Zerbitzuaren, Etxebarriko hainbat tabernariren, Pulevako lagunen eta urteroko sorgin misteriotsuaren laguntzarekin! Animatzen bazarete arratsalde pasa ederra egiteko aukera izango da:

Egur piloa, prest

18:00 – Haurrentzako disko festa, udaletxeko plazan

19:00 – Txokolatada, Udaletxeko plazan.
Animatzen zaretenok, sutara botatzeko moduko urteko gauza txarrak apuntatu ahal izango dituzue horretarako banatuko ditugun paperetan, eta bi sari ederren zozketan parte hartu:

• Hobbiton liburu-dendan gastatzeko 50 euroko erosketa txeke bat
• Bi lagunentzako otordu eder bat Ortzi tabernan

20:00 – Triki-kantu-pintxo-potea, herriko tabernetan zehar

22:00 – Zozketaren sari banaketa eta sua piztea

Beste planik ez baduzue, badakizue: gonbidatuta zaudete!